Arestado ang 52 anyos nga street level individual sa buy bust operation nga ginpatigayon sa Purok Sigay, Barangay 2, siyudad sang Bacolod.
Ang suspetsado ang ginkilala nga si Dina Saldua, 52 anyos, residente sang Purok Kagaykay, sa nasambit nga barangay.
Sa interview sang Bombo Radyo kay Police Captain Jonito Pastrana, station commander sang Bacolod Police Station 2, madugay na nga yara ang pangalan sang suspetsado sa drugs watch list sang kapulisan.
Kag amo man nga madamo sang complaint gikan sa barangay officials angot diri.
Samtang suno naman sa kabataan sini, ila gina-alegar nga isa lamang ka user ang iloy, kasubong man nga may pending warrant of arrest ang bana sang suspetsado.
Pahayag ni Pastrana, wala nalakip ang pangalan sini sa 1 /4 nga papel kaupod sang ice cream container nga may unod sang duha ka utod nga kamot.
