Nagtaliwan ang anom ka tuig nga bata nga yara sa ospital nga una nasalbar sa sunog sa Purok Active, Barangay Mandalagan, Bacolod City sang Sabado sang gab-i.
Madumduman nga napatay ang isa ka tuig nga kamanghuran sa nasambitan nga sunog samtang nabutong naman ang 6 anyos.
Madumduman nga nabilin ang mag-utod sa balay matapos mabiyaan sang duha nila ka magulang nga naglantaw sa program sang fiesta samtang nagatrabaho naman ang iloy.
Ang sunog ang gintuga sang kandila nga gintungtong sa plastic container.
Sa interview sang Bombo Radyo Bacolod kay Vanessa, 20 anyos, magulang sang biktima, gin-admit nila ang anom ka tuig nga si Angela sa Corazon Locsin Montelibano Memorial Regional Hospital sa paglaom nga ini ang matatapan.
Si Angela ang nakaangkon sang 2nd degree burn sa duha ka mga butkon kag malapit sa abaga sa likod.
Una naman nga nangin estable ang kondisyon sang bata kag maestorya man sang tarong.
Apang suno kay Vanessa, nakaangkon sang impeksyon ang iya manghod bangod wala nadressingan ang iya mga paso.
Sa karun, ang isa ka tuig nga bata pa lamang ang nakahaya sa balay sang iya tiyo, samtang ginaproseso pa ang bangkay sang anom ka tuig nga biktima.
