Nagapabilin sa kustodiya sang Criminal Investigation and Detection Group (CIDG) sa probinsiya sang Negros Occidental ang anom ka mga suspetsado nga ginpasakaan sang kaso nga human trafficking kasunod sang simultaneous operation sa opisina sang mga progresibo nga grupo sa ciudad sang Bacolod sang Oktubre 31.
Ini santo sa kumpirmasyon ni Army Captain Cenon Pancito III, spokesman sang Joint Task Force Negros, nga amo ang nagpamuno sa operasyon sa mga opisina sang Anakpawis, Gabriela kag Kilusang Mayo Uno (KMU).
Ginkilala ang mga ginkasuhan sang paglapas sa RA 9208 as amended by 10364 ukon Human Trafficking nga sanday Albert Dela Cerna; John Meliton Lusande alyas Butch; Noli Lacerna Rosales alyas Talisa; Proceso Quiatchon alyas Pros; Carina Mae Dela Cerna kag Sheryl Catalogo alyas Cheche.
Nagahulat karun ang mga ini sang schedule sang hearing sang ila kaso.
Kalakip man ang anom sa 11 ka mga ginpasakaan man sang kaso nga illegal possesion of firearms and explosives kasunod sang raid.
Upod sang anom nga nagapangatubang sang nasambit nga kaso sanday Mary Ann Krueger; Romulo Bitoon; Mermalyn Bitoon; Roberto Lachica kag Danilo Tabura.
