Ginbawian sang kabuhi ang 62 ka mga indibidwal samtang 52 naman ang pilason matapos gin-atake sang armado nga grupo ang isa ka komunidad sa northeastern Nigeria, santo sa emergency agency sang pungsod.
Base sa mga report, grupo nga bandido ang may kahimuan sa krimen, nga nagluntad sa Binnari community, sa Taraba state.
Linibo naman ang nagbakwit, suno kay Ladan Ayuba, state head sang National Emergency Management Agency.
Ang mga pagpang-atake sang mga bandido nga grupo ang lapnagon sa northern Nigeria sa diin gina-target ang mga sibilyan.
Narekober ang 52 ka mga bangkay, lakip ang 15 gikan sa suba, santo sa mga opisyal.
Suno naman sa kapulisan sang Taraba, indi pa pinal ang numero sang napatay bangud padayon pa ang pagrekober sang mga bangkay.
Ang Nigeria ang nagapangatubang sang security crisis sa diin ang mga sibilyan ang masami nga biktima sang lapnagon nga kidnapping for ransom kag pagkontrol sang mga illegal nga minahan sang mga armado nga grupo.
