Ginpahayag sang Negros Electric and Power Corporation (NEPC) nga may yara sang pagsaka sa 85 sentimos per kWh (kilowatt-hours) sa electricity rate sang Central Negros Electric Cooperative, Inc. (CENECO) subong nga bulan.
Sa interview sang Bombo Radyo kay Jonathan Cabrera, spokesperson sang NEPC, nakaligad nga bulan dako ang pagnubo sa kuryente kun sa diin nagdangat sa P10. 83/kWh ang rate apang sa karun may yara sang pagsaka nga P0.85/kWh kag ang balayran ang mangin P11.68/kWh na.
Suno diri, ang rason sang increase amo ang pagsaka sang generation charge sa 3.34 percent kag increase sa average transmission rate nga 67.80 percent.
Apang, gin-athag sini nga ang distribution charge ang nagapabilin sa P1.18/kWh bangod nga ini ang naregulate sang Energy Regulatory Commission (ERC).
Ginklaro man sini nga ang pagsaka ang yara sa CENECO bisan pa nga nagtake-over na ang Negros Power bangod nga wala pa sang Certificate of Public Convenience and Necessity (CPCN), amo nga ang bayad ang nagasulod sa account sang CENECO.
Samtang, suno kay Cabrera indi lamang bad news ang pagsaka sang electricity rate bangod good news naman nga sa bilog nga Visayas Region, si Negros Power ang nagpatuman sang pinakamanubo nga increase samtang ang iban ang nagsaka sa masobra sa P1.00 ukon P2.00.
