87-anyos nga lola, ginbawian sang kabuhi samtang naga-claim sang SAP cash assistance

Patay ang isa ka 87-anyos nga tigulang samtang nagapila agud magkuha sang Social Amelioration Program cash assistance sang gobyerno sa gym sang Barangay Villamonte ciudad sang Bacolod kahapon.

Ginkilala ang biktima nga si Aurelia Magbanua kag residente sang Purok Sabes sa amo nga barangay.Ginapahayag nga samtang yara sa sulod sang gym ang biktima, hinali nalang ini nga nalipong.

Gindala sa ospital si Magbanua apang gilayon naman nga ginbawian sang kabuhi.

Nagapungko lamang sa priority lane ang tigulang upod ang bata sini sang matabo ang insidente.

Nahibaluan nga nagdangat sa 4 mil ka mga residente ang nagpadulong sa gym agud magkuha sang ayuda.

Ginsunod naman ang physical distancing agud malikawan ang paglapta sang coronavirus disease 2019.