Siyam ka mga katapo sang Coast Guard District Southern Visayas ang nagpositibo sa ginpatigayon nga random drug testing.
In line sa commitment sang Philippine Coast Guard sa pagpabilin sang drug-free organization, sa idalom sang liderato ni Commodore Christopher Auro ang Coast Guard District Southern Visayas ang nagpanguna sang random drug testing activity sa masobra 200 ka personnel sa Brgy Calindagan, Dumaguete City, Negros Oriental sang Hunyo 17, 2026
Ang aktibidad ang ginpatigayon sa koordinasyon sa Philippine Drug Enforcement Agency (PDEA), agud mapabilin sang PCG ang disiplina, professionalism, kag operational excellence.
Ang inisyatibo ang nagabulig agud maseguro nga tanan nga personnel ang fit, competent, kag may ikasarang sa epektibo nga pagtuman sang maritime safety, maritime security, maritime law enforcement, search and rescue, kag maritime environmental protection functions.
Sa interview sang Bombo Radyo Bacolod kay Coast Guard District Southern Visayas Spokesperson Lieutenant Junior Grade Ronnielyn Lapitan, ang siyam nga nagpositibo nga ginalakipan sang walo ka lalaki kag isa ka babayi.
Ang mga ini ang ginpaidalom sa confirmatory testing kag kun mapamatud-an sa resulta ang paggamit sang illegal nga droga, sila ang mahimo mangatubang sang kaso administratibo kag madismiss sa serbisyo.
Pahayag sini nga may mga kasunod pa apang indi mahibaluan kun san-o bangpd ini ang mangin random kag surprised drug testing gihapon, agud malab-ot ang target nga drug-free workplace.
