Nagpirma sang Memorandum of Agreement (MOA) ang siyam ka mga Local Government Units sa probinsya sang Negros Occidental para sa operasyon kag paggamit sang La Castellana Clustered Waste Management Facility (LCCWMF).
Ginpangunahan ni Negros Occidental Governor Jose “Bong” Lacson ang signing ceremony kahapon nga ginpatigayon sa banwa sang La Castellana kaupod ang Department of Environment and Natural Resources–Environmental Management Bureau Negros Island Region (DENR-EMB NIR) OIC Regional Director Forester Vicente S. Losbanies.
Ang kasugtanan ang ginpirmahan ni La Castellana Municpal Mayor Aniejo G. Nicor, Pulupandan Mayor Miguel Penia, Valladolid Mayor Ricardo Presbitero Jr., Jose Pontevedra Mayor Maria Alonso of Pontevedra, Moises Padilla Mayor Ella Garcia-Yulo Moises Padilla, Isabela Mayor Miguel Angelo Yulo kag mga opisyales sang San Enrique, Hinigaran, kag Binalbagan.
Ginhatagan sang pagtamod ni Gov. Lacson ang importansya sang pagbinuliganay snag mga LGU sa pag-atubang sa nagapadayon problema sa solid waste management.
Suno sa Gobernador, indi sarang nga masolusyunans ang isa ka LGU lamang ang problema sa pagduma sang basura.
Suno sa iya, kinahanglan ini sang maayu nga pagplano, nagakaigo nga pondo, disiplina kag ilabi na ang pagbinulganay.
Suno naman kay EMB-NIR OIC Regional Director Losbanes, sa idalom sang MOA, required ang tanan nga LGU gamiton ang La Castellana Clustered Waste Management Facility nga habuyanan sang ila residual waste, santo sa Republic Act No. 9003 ukon Ecological Solid Waste Management Act of 2000.
Suno kay Losbanes, ang probinsya ang maga-manage sa nasambit nga operasyon sa kooperasyon man sang mga LGU nga naghatag sang iban nga machineries.
