BACOLOD CITY — Nalapawan na sang Chinese nationals ang mga Koreans sa may pinakamadamo nga nagbisita sa Western Visayas sang nagligad nga tuig 2017.
Sa exclusive interview sang Bombo Radyo, ginpahayag ni DOT Region 6 Director Atty. Helen Catalbas nga nagdangat sa 360 mil ang mga Chinese nga nagbisita sa rehiyon sang tinalikdan nga tuig.
Nagapangaduha na gid lamang ang mga Koreans nga nagadangat sa 330 mil, ginasundan sang Taiwanese, Americano kag mga Malaysians.
Suno kay Catalbas, ini ang labing una nga kahigayunan nga nakasulod ang Malaysians sa Top 5 kag patimaan ini nga nagbunga na gid man ang promotional effort sang DOT sa amo nga pungsod.
Samtang, maayo naman ang epekto sa turismo sang nagainit nga relasyon sa tunga sang China kag sang Pilipinas.
Sa tuig 2018 tubtub 2019 suno sa regional director, ginalauman nga magadangat sa duha ka milyon ang mga Chinese nga magabisita sa pungsod.
