BACOLOD CITY — Ginrekomendar sang Negros Occidental Police Provincial Office ang paghatag sang pagkilala sa mga miyembro sang San Carlos City Police Station kasunod sang pagkadakop sang P6.6 million nga balor sang shabu sang Martes sang gab-i.
Suno kay NOPPO Director Police Senior Superintendent Rodolfo Castil Jr., ginpadala na sa Police Regional Office 6 ang rekomendasyon nga hatagan sang commendation kag award ang mga pulis.
Ginpadala man sa chief sang Philippine National Police ang accomplishment report sang San Carlos City Police Station.
Aminado si Castil nga may yara sang point of entry sa ciudad sang San Carlos bangud may yara sang pantalan diri sang mga barko nga nagatabok sa Cebu.
Ginkumpirmar naman ni Police Superintendent D’Artagnan Katalbas nga ginhingagaw subong nga adlaw ang pagpasaka sang kaso batok sa nadakpan nga si Christian Unabia sang Sitio Juan-ong, Barangay Palampas, San Carlos City.
Nahibaluan nga nakuha sa possession sini ang 600.8 grams sang suspected shabu.
