Nagalaom ang regional director sang Police Regional Office 6 nga mas magasanyog ang performance sang mga police stations sa ciudad sang Bacolod kadungan sang pagbaton nila sang mga equipment.
Kaina sang aga, ginturnover ni Police Chief Supt. Cesar Hawthorne Binag ang napulo ka brand new nga motorsiklo para sa napulo ka police stations sa idalom sang Bacolod City Police Office.
Suno kay Binag, para ini sa police visibility sang mga police stations.
Wala man sang rason suno sa iya nga indi makaresponde gilayon ang mga pulis sa tion nga may hitabo.
Nagalaom man ini nga madugangan pa ang nasambit nga mga motorsiklo.
Magluwas diri, may ginhatag man nga walo ka .9mm submachine gun para sa Special Weapons and Tactics Team kag tag-duha ka body cameras para sa City Drug Enforcement Unit nga gamiton sa tion sang operasyon.
