Pilason ang mag-bayaw matapos nga naglab-anay sa Barangay Gil Montilla, Sipalay City Negros Occidental.
Sa impormasyon nga nakuha sang Bombo Radyo Bacolod, ginkilala ang biktima kay Jessie Aranes, 36-anyos samtang ang suspetsado naman amo si Leo Mengillo, 46-anyos.
Ginapahayag nga nagapanyapon si Aranes sa sulod sang balay sini sang hinali lang nagsulod ang iya bayaw nga may dala nga binangon kag ginhangkat siya sang inaway.
Nagkuha man ang biktima sang kaugalingon sini nga binangon kag naglab-anay sila sang iya bayaw sa sagwa sang ila balay.
Gilayon naman nga nagresponder ang mga otoridad sa insidente.
Gindala ang duha sa Sipalay Infirmary bangud lunsay nga nakaagom sang mga pilas.
Ginrefer ang mga ini sa ospital sa ciudad sang Bacolod para sa dugang nga pagbulong.
