Nagpanugyan ang Provincial Disaster Risk Reduction and Management Council sang Negros Occidental sa mga pumuluyo nga padayon nga magmonitor sang dalagan sang panahon paagi sa radyo kadungan sang paglabay sang Bagyo Paeng.
Sa interview sang Bombo Radyo sa pinuno sang Provincial Disaster Management Program Division, Dr Zeapharad Gerhart Caelian, indi direkta nga apektado ang probinsya sang Negros Occidental bangod nga wala nakasulod sa track sang bagyo ang probinsya apang sila ang ginpaandaman nga magmonitor sa mga thunderstorm advisory.
Pahayag ni Caelian, kinahanglan nga mangin alerto sa makusog nga hangin, kilat labi na sa mga nagapuyo malapit sa waterways.
Kinahanglan man suno sa iya nga mag-evacuate ang mga pumulutyo sa mga area nga may posiblidad nga magkaland-slide, kag hatagan sang pagtamod ang seguridad sa dalanon.
Sa karun padayon ang ila pagmonitor sa dalagan sang bagyo kun sa diin ginalantaw nga mangin mabaskog pa gid sa maga-abot nga Sabado, Oktubre 29, alas-8:00 sang kaagahon.
Gani mabatayagan ang pag-ulan kag kilat bangod sa shearline nga nagaapekto sa bahin sang Visayas.
