Wala sang holiday break ang mga suldado sa Paskwa kag Bag-ong Tuig.
Sa interview sang Bombo Radyo kag Brigadier General Inocencio Pasaporte, commander sang 303rd Brigade sang Philippine Army, wala sila sang Christmas ukon holiday break kag 24/7 ang ila duty.
Suno diri, ginadumilian man ang mga ini nga magfile sang leave sa Disyembre 24.
Apisar sini, suno sa iya, sila ang magadesinyo kag magahimo sang mga tikang agud maka-enjoy man ang tropa.
Nagapasalamat ini sa mga pumuluyo sa mga impormasyon nga ila ginahatag sa gobyerno tuhoy sa presensya sang mga New People’s Army sa ila lugar.
Nagpasalig ini nga ila padayon nga pagatumanon ang ila mga mandato sa pagpakigbato sa insurhensya.
Nagapanawagan man si Pasaporte sa mga rebelde nga magbalik na sa sabak sang gobyerno agud makapangabuhi sang matawhay.
