Nagluntad ang kinagamo sa pulitika sa France, tatlo ka semana antes ang hosting sang pungsod sa Paris Olympics 2024.
Tinalikdan nga bulan nagpaggwa sang unexpected nga snap parliamentary elections si French President Emmanuel Macron.
Sang Domingo, nagpatigayon sang second round voting sa National Assembly, amo nga mabudlay pa mahibaluan kun sin-o ang magapungko sa position sa gobyerno sa pagbukas sang Paris Olympics 2024 sa Hulyo 26.
Domingo sang gab-i nagpasa sang resignation letter si Prime Minister Gabriel Attal apang naghinyo si President Macron nga magpabilin anay ini sa iya nga pwesto para sa stability sang pungsod tubtob sa pagtakop sang Paris Games sa Agosto 11, apang nagaduso naman ang left-wing alliance nga magpili na sang bag-o ng ibulos kay Attal.
Samtang, suno naman kay Minister of the Interior Gerald Darmanin, balanse ang security preparations para sa Games apang ila lamang ginakabalaka amo ang pagluntad sang krimen kag terorismo kasubong man ang traffic conditions.
Apang, suno kay Darmanin kun ang far-right National Rally ukon ang hard-left France party ang magatukod sang gobyerno, maga-resign ini gilayon sa pwesto.
