Ginalauman sang gobyerno nga maganubo ang presyo sang bugas sa masunod nga mga binulan.
Suno kay Finance Secretary Ralph Recto, ini bangud sa pagnubo sang taripa sa imported nga bugas.
Suno diri, magahatag man ang gobyerno sang dugang nga suporta sa mga local farmers.
Naghingyo man ang Finance Secretary nga pahanugutan ang nagapadayon nga agriculture projects kaangay sang irrigation kag dam construction nga mahatagan sang tiyempo agud makumpleto agud mapataas ang rice production.
Dugang pa sini nga gina-address sa karun sang gobyerno ang supply chain issues sang pungsod.
Suno diri, ang budget nga ginhatag sang Agriculture Department subong nga tuig ang mas dako kun ikumparar sang 2022.
Una na nga ginpahayag sang Philippine Statistics Authority nga ginalauman ang dako nga pagbuhin sa retail prices sang bugas subong nga bulan.
