Nangin matawhay ang ginpatigayon nga clearing operation sang Bacolod City Legal Office Enforcement Team sa Ferrero St. sa reclamation area sa ciudad sang Bacolod.
Sa interview sang Bombo Radyo Bacolod kay Bacolod City Legal Officer Atty. Karol Joseph Chiu, nangin peaceful ang ginpatigayon nga clearing operation bangud coordinated naman ini sa barangay.
Suno kay Chiu, ginclear nila sa nasambit nga dalan ang kapin 15 ka mga stalls nga ginabaligyaan.
Suno diri, wala man sang nagpamatok bangud nga sang nakaligad nga semana naplastar na nila sa barangay nga magapatigayon sila sang clearing operation.
Ang road closure sa Ferrero St ang applyan pa nila sa Sangguniang Panlungsod kag hulaton pa nga maaprubahan.
Samtang ang mga tenants sang Manokan Country ang maamat amat na saylo sa temporaryo nila nga pwesto ini matapos nga wala nagpasugot pa ang alkalde nga magextend pa gani kinahanglan na sang mga ini nga magsaylo.
