Natalana ang Department of Agriculture nga magpatuman sang isa ka Maximum Suggested Retail Price (SRP) para sa baboy sa Marso sa tunga sang nagasaka nga presyo sini.
Sa data sang DA Bantay Presyo, pila ka mga merkado sa Manila ang nagabaligya sang baboy sa balor nga P480.
Suno kay Agriculture spokesperson Assistant Secretary Arnel de Mesa, ang consultation kaupod ang mga stakeholders ang mafinalize subong nga semana agud nga ma-implementar ang maximum SRP sa masunod nga bulan.
Wala pa maanunsyar ang final figure para sa MSRP apang suno sa mga opisyales, ini ang mas manubo sa P400.
Suno kay De Mesa, kun ang farmgate ang P250, bangud sa 100 to 100 plus nga profit margin, reasonable na ang presyo nga P380 kag makabig nga medyo sobra ang balor nga P480.
