Alkalde sang Murcia, luyag pa-imbestigaran ang natabo nga pagtiro sang indian target sa isa ka ido sa Hda. Puyas, Barangay Blumentritt

Luyag sang alkalde sang banwa sang Murcia nga pa-imbestigaran ang natabo nga pagtiro sang indian target sa isa ka ido sa Hda. Puyas, Barangay Blumentritt, sang Lunes.

Lima ka beses gintiro sang indian target ang ido nga si Tiktok kag siya ang gilayon nga ginrepsondehan sang BACH Project PH.

Natigayon nga naoperahan si Tiktok kag sa karun yara na sa estable nga kondisyon.

Sa interview sang Bombo Radyo kay Murcia Municipal Mayor Gerry Rojas, wala pa nahibaluan kun ano ang rason sang suspek sa pagtiro sa ido.

Suno diri, luyag sini nga padaloman kag usisaon kun sin-o ang suspek kag pasabton sa sala sini nga ginhimo.

Pahayag ni Rojas, kun sa ila nga sapat matabo ang pagpaniro sang indian target, bisan sila indi man manamian sa matabo.