Nagalaom ang alkalde sang Bacolod nga dako ang mabulig sang Build Transfer Maintain Agreement sa ciudad.
Sa interview kay Bacolod City Mayor Alfredo “Albee” Benitez, mahimo na matrack ang mga wala nagabayad sang balayran sa ciudad kasubong man ang pila ang balayran.
Suno kay Benitez, paagi sa e-governance mangin mahapos na sa pumuluyo ang magtransact sa mga government services.
Ini man ang paagi agud nga mapasanyog ang financial resources agud nga magsuporta sang command center, traffic management kag iban pa.
Gin-athag man sang alkalde nga wala sang loan ang ciudad kundi isa ini ka Public Private Partnership kun sa diin magakuha anay sang serbisyo ang ciudad nagikan sa High Data antes ang pagbayad sang serbisyo.
Dugang pa sini sang alkalde nga daw kaangay lamang ini sa egovernance sang national government apang ang iya sang ciudad sang Bacolod ang mas madamo ang modules.
Paagi man diri, wala na sang rason ang mga nagabayad sang buwis nga malipat bangud nakadisplay na sa portal kun san o kag pila ang pagabayran sa ciudad.
