Nagapanawagan ang tiya sang 15 anyos nga lalaki sa Indian National nga buligan ang hinablos sini nga nabungguan sang Domingo sang hapon, Marso 2 sa Barangay Batuan, San Enrique.
Sa interview sang Bombo Radyo kay Marife Pura, ang biktima nga si Renjo Pura ang naghulam sang motor sang iya step father kag naglakat padulong kuntani sa Sitio Irigasyon sa Barangay Batuan apang pagwa sa dalan nabungguan ini sang Indian National nga si Nab Det Singh kag residente sang Barangay Estefania, Bacolod City nga nagapanukot sang pautang.
Gindala ini gilayon sa Don Salvador Benedicto Memorial District Hospital bangud sa samad sa ulo.
Suno sa alegasyon sang tiya wala gindetain ang Indian National kag ginpadala man diri ang motorsiklo sini bangud suno sa pulis sila ang matechnical kun idetain ini.
Suno sa tiya, indi na nila makita kag macontact ang nagbunggo sa ila hinablos.
Subong nagakinahanglan sang bulig ang iya hinablos bangud kinahanglan sang CT Scan bangud indi sini mamuklat ang iya nga mata bangod sa kasakit sang iya ulo.
Sa karun ang bata ang yara lamang nagaligid sa ila nga balay, kag irefer kuntani sa Corazon Locsin Montelibano Memorial Regional Hospital, apang ini ang indi mabatun tubtob wala pa sang CT Scan.
Nagapanawagan ang pamilya sa Indian National nga buligan sila bangud pigado man ang mga ini.
