Nakascore sang 34 points si Shai Gilgeous-Alexander sang Oklahoma City Thunder nga nagbulig sa team para makakuha sang ticket para sa playoffs kasunod sa pagdaog sini batok sa Boston Celtics sa score nga 118-112.
Ang Canadian point guard nakarekord sang five rebounds, seven assist kag 34 points, lakip na ang 10-of-11 halin sa free throw line.
Ang pagdaog sang Oklahoma City nakaguarantee para sa ila nga pwesto sa playoffs.
Sa game, nakasiguro sang victory ang Oklahoma City sa fourth quarter sa double digit lead samtang may duha na lang ka minutos nga nabilin sa oras.
Suno kay Gilgeous-Alexander, kun maayo ang team kag maayo ang players sang kontra, dapat mangita sang pamaagi para magdaog kag ini ang ginhimo sang Oklahoma City para hatagan sang tsansa nga magdaog ang ila team.
