Nagdangat sa $800 million ukon kapin sa P45 billion ang naganar sang Pilipinas sa pag-export sang pinya sa China sang tuig 2024, suno sa Philippine Statistics Authority (PSA).
Ang earnings gikan sa pag-export sang pinya kag pineapple products nagsaka sa 7.5 percent annually.
Suno sa United Nations’ Food and Agriculture Organization (FAO), nagsaka ang eksportasyon sang pinya bangod sa mataas nga demand sang China ilabi na sa MD2 variety nga halin sa Pilipinas.
Sa karun, ang Pilipinas ang nangin top supplier sang pinya sa China samtang ang pungsod man ang ikaduha sa biggest exporter sang pinya sa bug-os nga kalibutan kasunod sa Costa Rica.
Nakita man sang mga kompanya kag organisasyon nga ang pinya ang mangin masunod nga billion-dollar export product sang Pilipinas bangod sa nagasaka nga golabl demand.
