Sa atun kabuhi nagaaabot gid ang tion nga kita ang masubuan kag indi na maka-concentrate sa trabaho.
Bangud sini ang pila sa atun ang nagaapply sang vacation leave agud makapaliwa-liwa.
Kaangay lamang sa pungsod China, nagtrending ang isa ka businessman sa retail industry nga ginkilala kay Yu Donglai bangud sa pagpatuman sini sang “unhappy leave” para sa iya nga empleyado.
Ang mga empleyado ang mahimo makaleave sang tubtob napulo ka adlaw sa sulod sang isa ka tuig kada masubuan ang mga ini ukon wala sa mood magtrabaho.
Magluwas sini sila ang nagapatuman man sang employee-friendly policies kaangay sang pito ka oras nga trabaho kada adlaw, day off kun weekend, 40 ka adlaw nga annual leave kag dugang nga lima ka adlaw nga pahuway sa tion sang Lunar New Year.
Nagahatag man si Donglai sang job-level certification system bisan ang mga entry-level workers, pareho sang janitors, ang sarang makabaton sang sweldo nga balor P4 million kada tuig.
Suno kay Donglai, gusto sini mangin ehemplo sa kun ang ginatawag nga healthy work place.
