Nagpaandam ang Executive Vice President sang Bayan Muna nga indi mangin kampante apisar nga wala sang pirmahanay sang kasugtanan angot sa Pax Silica initiative sa pagbisita ni US President Donald Trump sa Pilipinas.
Sa interview sang Bombo Radyo Bacolod kay Atty Carlos Isagani Zarate, nagapati ini nga desidido ang America nga mapadayun ang pagtukod sang AI hub sa Central Luzon.
Dugang pa sini nga may mga nakalab-ot sa iya nga impormasyon nga plano sang America nga mahimo safe haven ang itukod nga AI hub.
Kun sa diin sa sulod sang itukod nga pasilidad, indi na aplikable ang layi sang Pilipinas.
Panawagan ni Zarate nga bantayan gid kag maidid nga busision ang kaundan sang pirmahan nga kasugtanan.
Ginakahangawa niya nga ini ang mangin kaangay sa iban nga kasugtanan sang Pilipinas sa America kaangay sang mga treaty, nga disbentaha para sa Pilipinas.
Suno diri, ang America ang makanar sang dako sa pagpasulod sang AI hub sa Pilipinas, kag gamit man sa pagmina sang mga rare minerals sang pungsod.
Ang AI Hub ang kabahin man sa plano sang America nga wala untat nga gyera, bangod ini ang ila pinakadako nga negosyo.
Hugot ang pagpati sini nga magahimo gid sang terms si Trump para magpabor sa America ang kasugtanan.
Pahanumdom niya nga madamo sang mahalitan sa pagtukod sang Pax Silica.












