Padayon ang pagpatigayon sang graduation ceremonies sang mga naggradwar nga mga estudyante sa ciudad sang Canlaon City, Negros Oriental apisar sang pagbuga sang abo sang Bulkan Kanlaon.
Sa interview sang Bombo Radyo Bacolod kay Edna Lhou Masicampo, spokesperson sang Local Government Unit sang Canlaon City, apisar sang nagluntad nga minor explosive eruption sang Abril 8 kag pagbuga sang abo kahapon nagapadayon sa ciudad ang pagpatigayon sang recognition kag moving up ceremonies kag wala man sang reported nga apektado sang ashfall sa Canlaon City.
Suno kay Masicampo, nagnubo man ang numero sang evacuees sa ciudad bangud kadam-an sa mga evacuees ang nagsaylo sa ila mga himata.
Sa karun may yara sang 832 families inside camp ukon 2627 individuals.
Aminado man ini nga may mga kabudlayan ang mga ini nga ginapangatubang kaangay lamang sa financial aspects bangud nga naubos na ang Quick Response Fund apang nagapasalamat man ini nga naghatag man sang financial support ang provincial government sang Negros Oriental.
May yara man sang mga ginahilanat sa evacuation centers apang may yara man sang personnel nga ginapadala ang Department of Health nga magatinder sa mga ini.
Samtang nagalaom ini nga wala na sang madugang nga mga evacuees nagikan sa ciudad.
