Patay ang isa ka intelligence operative sang Bago City Police Station matapos nga naaksidente sa National Highway, sang Purok San Pedro, Barangay Napoles, ciudad sang Bago samtang papauli kahapon sang kaagahon.
Ginkilala ang napatay nga police kay Police Staff Sergeant Hero John Trayco, 36 anyos, kasado, Philippine National Police Member kag residente sang Purok Quarry Site, Barangay Napoles, Bago City.
Sa interview sang Bombo Radyo Bacolod kay Police Lt Col. Jay Malong, hepe sang Bago City Police Station, ang police ang papauli na kahapon sang kaagahon sang ini ang nag-overshoot sa kalsada kun sa diin nalipungan ini matapos nga magtupa sa irigasyon kag didto nalang ini nasapwan.
Suno kay Malong, ginalantaw nga naaksidente ang police mga pasado 12:00 ang takna sang kaagahon.
Ang police ang nagikan sa iya trabaho bangud may yara sang ginapamonitor sa iya bilang intel sang Bago City Police Station kasunod sang reported nga kinawatay sang manok.
Suno sa hepe indi man mahambal nga nakaout na ang police bangud ang ila nga trabaho ang 24/7.
Wala man nakainum sang makahulubog nga ilimnon ang police kag may nasuksok man ini nga helmet.
Ang Bago City Police Station ang handa man nga magbulig sa pag-assists sang mga claims sang police personnel kag sa iban pa nga kinahanglanon sang nalisdan nga pamilya.
