Indi magnubo 130 ka foreign delegates lakip na ang kapin 50 nga head of state kag napulo ka reigning monarchs, magatambong sa lubong ni Pope Francis

Ginpahayag sang Vatican nga indi magnubo sa 130 ka mga foreign delegations lakip na ang kapin 50 ka mga heads of state kag napulo ka mga reigning monarchs ang magatambong sa lubong ni Pope Francis.

Suno sa Vatican, may yara sa karun sang 130 ka delegasyon nga kumpirmado nga magatambong sa lubong sang Santo Papa nga patigayunon sa St. Peter’s Square.

Madumduman nga una na nga nagkumpirmar si US President Donald Trump nga siya ang magatambong sa lubong kaupod si First Lady Melania Trump.

Samtang, magapadulong man sa Vatican si President Ferdinand Marcos Jr. kaupod si First Lady Liza Araneta Marcos agud mag-attend man sa pagdul-ong sa Santo Papa sa ulihi sini nga palahuwayan.