Conclave sang mga Catholic cardinals para sa pagpili sang masunod nga Santo Papa, suguran sa Mayo 7

Magatipon ang mga Catholic cardinals sa Mayo 7 agud suguran ang pagboto sa mangin masunod nga Santo Papa, suno sa Vatican, isa ka semana matapos ang kamatayon ni Pope Francis.

Ginatawag ng “Princes of the Church”, ang mga cardinals nga naga-edad sang 80-anyos ang magakitaay sa Sistine Chapel agud magpili sang bag-o nga religious leader sa 1.4 billion Catholics.

Ang petsa ang gindesisyunan sa isa ka meeting sang cardinals sa tanan nga pang-edaron sang Lunes, duha ka adlaw matapos ang lubong ni Pope Francis, nga nagtaliwan sang Abril 21 sa edad nga 88.

Ang 252 ka mga cardinals ang ginpatawag sa Rome matapos ang kamatayon sang Santo Papa apisar nga 135 lamang ang eligible nga magboto sa conclave.