Yara na sa Rome ang tanan nga 133 ka mga Catholic cardinals nga magapili sang magabulos kay Pope Frances paagi sa conclave sa Mayo 7.
Suno sa Vatican, sila ang sekreto nga magatipon sa Sistine Chapel sumugod alas 4:30 sang hapon sa Miyerkules kag magapadayon sa pagboto tubtob nga makaangkon sang isa ka two-thirds majority, nga amu ang mangin pinuno sang kapin 1.4 billion Catholics.
Sumugod Mayo 7, ang mga cardinals sang Roman Catholic Church ang magasulod sa Sistine Chapel kun sa diin patigayunon ang ritual, reflection kag isa ka kontrolado nga daily routine sa sulod sang Vatican City.
Ang kada adlaw ang magasugod sa Casa Santa Marta, ang Vatican residence kun sa diin magatinir ang mga cardinals sa bilog nga conclave.
Pagkatapos mamahaw, sila ang magasakay sa mga buses nga may hugot nga seguridad kag magapadulong sa Sistine Chapel, kun sa diin sila ang magatipon para sa morning round sang pagboto.
Sa voting session, ang mga cardinals ang magasuksok sang full ceremonial attire.
Kun makacast na ang mga ini sang mga balota, sila ang magabalik sa Santa Marta agud manyaga, magpahuway kag magpatigayon sang informal discussions.
Pagkahapon, sila ang liwat nga magapadulong sa chapel para sa ikaduha nga pagboto.
Magapadayon ang nasambit nga routine kada adlaw tubtob nga makasecure ang isa ka cardinal sang required two-thirds sang majority.
