Negatibo sa drug kag alcohol test ang driver sang isa ka sports utility vehicle nga nagcrash sa isa ka bollard sa entrance sang Ninoy Aquino International Airport, nga nagresulta sa kamatayon sang duha ka mga indibidwal.
Ini ang nagapatimaan nga wala sa impluwensya sang maskin ano nga substance ang 47-anyos nga driver sang natabo ang insidente.
Suno kay Aviation Security Unit-National Capital Region Chief Col. Cesar Lumiwes, sa pahayag sang driver, gindul-ong sini ang iya boss sang Domingo sang aga sang nakibot ini bangud sa ginaalegar salakyan nga naglabay sa iya atubangan apisar nga wala sang may nakit-an sa CCTV.
Dugang pa sang driver, nga siya ang nagsala kag accelerator ang iya natapakan imbes nga brake.
Pahayag sini nga posible nga matabo ang mga human errors kun wala sa insakto nga kondisyon ang driver kag may ginadala nga personal nga mga problema, stress ukon pressure nagikan sa mga security guards ukon traffic enforcers.
Suno sa iya, napunggan kuntani ang aksidente kun napunggan sang bollard ang salakyan sa pagdiretso sa pathway sang entrance.
