Wala pa sang Santo Papa nga na-eleher matapos nagboto sa labing una nga kahigayunan ang 133 ka mga cardinals sa conclave.
Ang itom nga aso sa chimney sang Sistine Chapel ang nagconclude sang labing una nga adlaw sang conclave kun sa diin wala pa sang may napilian nga magabulos kay Pope Francis.
Kapin 45,000 ka mga persona ang nagtipon sagwa sang St. Peter’s Square agud maghulat sang anunsyo, nga ginlauman pagkatapos sang alas 7:00 sang gab-i, oras sa Vatican apang naghulat ang mga ini tubtob alas 9:00 sang gab-i.
Pagkatapos nasaksihan ang itom nga aso sa chimney, amat-amat naman nga nagpauli ang mga tumuluo kag mga turista nga naghulat.
Samtang, magabalik naman ang mga cardinals sa Santa Marta residence kun sa diin sila ang magatinir tubtob sa ikaduha nga adlaw sang pagbinotohay.
