Madamo sagihapon ang mga tawo sa St. Peters Basilica sa Vatican apisar nga may yara na sang napilian nga Santo Papa ang Simbahang Katoliko.
Sa interview sang Bombo Radyo Bacolod kay Jef Vinas Lagos, Bombo International News Correspondent sa Vatican, ginkakibot sang mga Italians nga isa ka American Cardinal ang napili agud nga mangin Santo Papa.
Suno kay Lagos sang nagwa ang puti nga aso sa chimney sang Sistine Chapel kag nabatian ang Habemus Papam wala sang nakatingog antes naglanog ang pamangkot nga “Que?” ukon “Sin-o?”.
Suno diri, sang si Pope Francis sadto ang pinakauna nga nabatian ang paghugyawa apang sa tion ni Pope Leo XIV may paghipos sang pila ka segundos antes ang paghinugyaw.
Wala naman sang nagkwestiyon sang napilian bangud nagapati ang mga tumuluo nga ang Espirito Santo ang nagpili kay American Cardinal Robert Francis Prevost agud nga mangin Santo Papa.
Nagpanawagan man si Lagos sa mga tumuluo nga buligan ang bag-ong eleher nga Santo Papa sa pagpangamuyo nga mapamunuan sini sang maayo ang Simbahang Katoliko.
