Nagapadayon ang search and rescue operations sang Nepalese kag Chinese rescue teams matapos ang nagluntad nga flash flood sang Miyerkules, Agosto 26.
Sa interview sang Bombo Radyo Bacolod kay Rabin Shrestha, Bombo International News Correspondent direkta sa Nepal, isa ini ka negosyante gani matapos ang nagluntad nga flash flood nga nagresulta sa pagkamatay sang kapin 500 ka indibidwal samtang missing naman ang 3000 ka mga tawo kalakip na ang isa ka Filipino doctor.
Ang doctor ang ginkilala kay Juan Carlos Manalo.
Suno kay Shrestha ang Lagtang National Park nga ginluntaran sang flash flood nga tuman nga nag-apekto sa villages sang Rasuwa, Nuwakot kag Dhading districts ang ginsirad-an sang mga otoridad.
Suno diri, sirado man ang mga merkado kag ginbisitahan man sini ang suba kun sa diin nagbuslog ang tubig baha.
Suno diri, ang bug-os nga Nepal ang nagapangasubo bangud sa natabo nga trahedya.
Ginpahayag man sini nga suno sa mga scientist ang nagluntad nga flash flood nga nag-umpisa ang pagbaha sa pagkatiphag sang glacier ang tuga man sang climate change bangud sa karun summer sa Nepal.
