Natalana nga bawion sang Department of Agriculture (DA) ang maximum suggested retail price (MSRP) policy para sa pork products nga ginabaligya sa wet markets bangud sa manubo nga compliance sa mga retailers.
Ginpahayag ni DA Undersecretary for Livestock Constante Palabrica, ang announcement sang pagbawi sang MSRP sa baboy ang lauman sa sulod sang 24 oras.
Humalin sang ginpatuman ang polisa sang Marso 10, nakita sang Department of Agriculture nga ang compliance sa MSRP ang yara lamang sa 30 percent.
Gin-establisyar sang Agriculture Department ang MSRP kun sa diin gintalana ang presyo sa P380 kada kilo para sa liempo, P350 kada kilo sang kasim kag pigue sa wet markets across sa National Capital Region (NCR), kag P300 kada kilo para sa baboy nga ginabaligya sang mga traders padulong sa retailers apang wala diri ang mga supermarkets kag hypermarkets.
