Gin-reschedule sang OPM folk-pop band nga Ben&Ben ang ila upcoming shows sa Bacolod kag Davao agud hatagan sang tion nga makapahuway ang ila drummer nga si Jam Villanueva.
Sa official statement sang banda, nagasuprer si Villanueva sang de Quervain’s tendinosis kag “Drummer’s Wrist” nga naga-apekto sa abilidad sang iya nawala nga kamot sa pag-drum.
Tinalikdan lang nga Sabado sang nagpatigayon sang show ang banda sa Cebu bilang kabahin sang ila “The Traveller Across Dimensions” world tour.
Suno sa banda, padayon nga nagarehearse si Villanueva kaupod ang grupo samtang nagapabulong kag nagpasalig man sila nga temporaryo kag treatable ang kondisyon sini.
Apang, agud nga madasig ang iya pag-ayo, nag-abiso ang iya doktor nga papahuwayon anay ang iya nawala nga kamot sa bilog nga bulan sang Hunyo.
Bangod sini, ginreschedule sang Ben&Ben ang ila shows sa Bacolod kag Davao nga orihinal nga nakaschedule sa Hunyo 8 kag Hunyo 22.
