Business group, nagalaom nga indi dal-on ni US Pres. Donald Trump ang gyera sa Middle East sa ASEAN
-- ADVERTISEMENT --

Nagalaom ang Chief Executive Officer sang Metro Bacolod Chamber of Commerce and Industry (MBCCI) nga indi pagdal-on ni US President Donald Trump ang kinagamo batok sa Middle East sa Association of Southeast Asian Nations (ASEAN).

Ini kasunod sa pagsugilanon ni Trump kay President Ferdinand Marcos Jr. sa 49th ASEAN Summit and Related Summits sa pungsod.

Sa interview sang Bombo Radyo kay MBCCI CEO Frank Carbon, dapat indi pagdal-on ni Trump iya nga pagka-warfreak bangud malinong ang Southeast Asian Nations.

Sa pihak sini, luyag niya mabatian kun ano ang mga plano nga pagbulig ni Trump sa Pilipinas.

Lakip na ang temporaryo nga pagkakas sang taripa sa mga produkto nga gina-export sa US.

-- ADVERTISEMENT --

Ini agud mabuligan nga makarecover ang ekonomiya sang Pilipinas kag mapasanyog agrikultura.

Nagalaum man ini nga mabuligan ang pungsod ilabi na sa problema sa kuryente.

Handum ni Carbon nga makaconnect ang Pilipinas sa Indonesia, Malaysia ukon sa Brunei sang kuryente agud makaambit ang Mindanao kag makapadala man sa Visayas.

Dapat man suno sa iya, maareglo ang pag-export sang blue crabs sa US.

Samtang, ginpahayag man sang negosyante nga dapat indi magpasalibot si Trump sa West Philippine Sea conflict sa tunga sang ASEAN nation kag China.

Ini ang dapat suno sa iya, itugyan na lamang nga ma-settle sang ASEAN Plus Three (APT).

Aminado si Carbon nga pigaw gid ang ekonomiya sang pungsod kun ipaanggid sa iban nga nasyon.

Gani nagalaum ini nga paagi sa pagsugilanon sang mga nagakalain lain nga liderest, mapahapos ang negosyo sa asya.

Suno sa iya, indi kinahanglan ang pagdayaw ni Trump sa pamilya Marcos sa baylo dapat may yara gid sang konkreto nga pagsugilanon nga makabulig sa pungsod.