Maximum suggested retail price sa 5 percent broken imported rice, panubuan sang Department of Agriculture agud mapanubo ang presyo sa merkado

Gin-anunsyar sang Department of Agriculture nga panubuan sini ang maximum suggested retail price (MSRP) para sa 5 percent nga broken imported rice sa Hulyo 1 agud mas mapanubo pa gid ang retail price sang bugas.

Ulihi nga ginpanubo ang MSRP sa bugas sang Marso 31 matapos ang serye sang amat-amat nga pagnubo nga nagsugod sa P58 per kilo sadtong Enero.

Suno kay DA Secretary Francisco Tiu Laurel Jr., ila panubuan ang MSRP sa P43 per kilo para sa lima ka porsyento nga broken rice nagikan sa karun nga P45 per kilo.

Suno sa iya, ang lihok ang makapanubo pa gid sang retail prices sang bugas sa lokal nga merkado kag nagapangibabaw nga presyo sang iban pa nga sahi sang bugas.