ima pilason sa pagkarambola sang tatlo ka ceres bus kag Mitsubishi Adventure sa National Highway sang Purok Acacia, Barangay Tabao Rizal, San Enrique, Negros Occidental, kahapon, alas- 4:05 sang hapon.
Nadulaan sang preno ang ceres bus nga may body No. 5295 nga ginamaneho ni Glenn Tan, 34 anyos, residente sang Brgy. Bantayan , kabankalan City, Neg. Occ.
Nakabunggo ini sa isa ka ceres bus nga may body number nga 5574 nga ginamaneho ni Virgilio Fernandez, 55 anyos, residente sang Sitio Baog, Mandalay, Isabela, Neg. Occ. nga nakabunggo pa gid sa isa ka ceres bus nga may body number nga 5298 nga ginamaneho ni Jenny Noquera, 43 anyos, residente sang Barangay Tagda, Hinigaran, Negros Occidental.
Samtang nasideswipe naman sang Mitsubishi Adventure nga ginamaneho ni Arnel Lopez, 56 anyos, residente sang Brgy Luna, Cadiz City, ang ceres bus nga nadulaan sang preno.
Lima ang pilason nga ginalakipan sanday Michelle Villegas, 22 anyos, residente sang Brgy Hilamonan, Kabankalan City nga napilasan sa baba; Sarah Daguismol, 22 anyos, residente sang Brgy. Magbalyo, Kabankalan City nga nag-angkon sang minor injury sa likod sang iya ulo; Roxanne Occeña, 24 anyos, residente sang Brgy Gil Montilla, Sipalay City nga may minor injury sa agtang sini; Geneva Ordonia, 24 anyos, residente sang Brgy. Su-ay, Himamaylan City nga may minor injury sa iya mga kamot; kag Justine Lirazan, 23 anyos, residente sang Brgy 1, Ilog nga napilasan sa iya natuo nga tuhod.
Sa interview sang Bombo Radyo kay PLt Dante Eslit, Deputy Chief of Police sang San Enrique Police Station, lunsay mga estudyante ang mga napilasan bangod sila ang magabyahe kun tani padulong sa ciudad sang Talisay pata sa ila retreat activity.
