Nag-abot na sa Poland sanday Tarah Valencia kag Anna Valencia Lakrini sang Pilipinas para sa nagahilapit nga Miss Supranational 2025.
Si Tarah ang mangin tiglawas sang Pilipinas matapos ginrepresentar sini ang Baguio sa Miss Universe Philippines 2024 kag napilian bilang delegado sang pungsod sa Miss Supranational pageant.
Samtang si Anna naman nga isa ka half-Filipina ang nangin representative sang Pilipinas sa Miss Globe 2023 kun sa diin ginkilala siya bilang 2nd runner-up.
Sang Abril, ginhingadlan siya bilang Miss Supranational Germany.
Ang coronation night sang Miss Supranational 2025 ang hiwaton sa Hunyo 28 sa Malopolska, Poland.
Sang nagligad nga tuig, gintiglawas ni Alethea Ambrosio ang Pilipinas kun sa diin nakuha sini ang Miss Supranational Asia & Oceania title.
