Senate Majority Leader Francis Tolentino, nanindugan nga nakabase sa Rules of Court ang pagpabalik sang articles of impeachment sa Kamara

Ginpahayag ni Senate Majority Leader Francis Tolentino sang Domingo nga ang pagbalik sang articles of impeachment batok kay Vice President Sara Duterte sa House of Representatives ang ginapahanugutan sa idalum sang Rules of Court nga gin-adoptar sang senator judges.

Suno kay Tolentino, gin-adoptar sang mga senador, bilang impeachment court, ang Senate Resolution 39 nga naga-unod sang pre-existing rules sang Senado nga gingamit sa impeachment trial ni former chief justice Renato Corono.

Gin-adoptar man sang senator-judges ang Rules of Court bilang isa ka supplementary rule.

Suno kay Tolentino, ang kada korte ang may yara sang gahom nga amiyendahan kag kontrolon ang proseso sini kag mando agud mangin komportable sa layi kag hustisya.