Spokesperson ni Vice President Sara Duterte, gindagdagan sang show cause order sang impeachment court
-- ADVERTISEMENT --

Nagpagwa sang show cause order ang Impeachment Court batok kay Atty. Paolo Panelo, spokesperson ni Vice President Sara Duterte, kaangot sang iya mga pahayag nga nagapakamalaot sa mga senator-judges sa impeachment trial sang bise presidente.

Nag-ugat ang usapi sa mga nangin komento ni Panelo matapos ang ika-44 nga adlaw sang trial sang Huwebes, November 19 kun sa diin ginakuwestyon sang pila ka senator-judges ang testimoniya ni
Atty. Rainer Dela Fuente, witness sang depensa.

Suno kay Panela, kaangay ang mga senator-judges mismo ang nagakwestyon sa kredibilidad sang mga testigo sang depensa.

Ginkwestyon man sini ang pila ka mga nangin palamangkutanon kag komento sa tion sang trial.

Bangud sini, nagpahayag sang pagkabahala si Senator-Judge Erwin Tulfo sa ika-45 nga adlaw sang trial, Biyernes, Nov. 20, kag ginhingyo nga magpagwa sang show cause order batok kay Panelo.

-- ADVERTISEMENT --

Suno kay Tulfo, hindi kabahin sang impeachment proceedings si Panelo apang naghatag sang mga komento sa mga senator-judges kun sa diin ang ginaserbehan sini ang bise presidente nga sa karun ang subject sang trial sang impeachment court.

Paagi sa show cause order, ginmanduan si Panelo nga magpaathag kun ngaa indi siya dapat maghimo sang tikang ang impeachment court kasunod sang iya pahayag.