Natalana nga makigkita ang Department of Energy sa mga kumpaniya sang gatong subong nga adlaw.
Ini agud maghingyo kun pwede nga ipaiway anay ang pagpatuman sang ikaduha nga round sang oil price hike sa mga produktong petrolyo sa Huwebes, depende sa mangin giho sang presyo sang gatong sa world market.
Nahibaluan nga sang Martes, ginpatuman sang mga kumpaniya sang gatong ang staggered ukon katunga sang price hike kag sa Huwebes naman ang katunga sini.
Suno kay DOE Officer-in-Charge Sharon Garin, kahapon, nagnubo sa 69 dollars ukon kapin P3,926 per barrel ang presyo sang gatong sa world market.
Indi naman mahambal ni Garin kun magapadayon ang pagnubo sang presyo sa mga masunod nga inadlaw.
Suno diri, indi regulated sang gobyerno ang presyo sang gatong kag sang mga kumpaniya sang produktong petrolyo kag ang ila lamang mahimo amu nga maghingyo diri.
