Naglawig sang isa ka oras kag siyam minutos ang nangin State of the City Address (SOCA) ni outgoing Bacolod City Mayor kag Bacolod City Lone District Representative Alfredo “Albee” Benitez.
Sa SOCA ginpatpat ang mga accomplishments sang ciudad kaangay sang mga awards gikan sa Department of the Interior and Local Government kag iban pa award giving bodies nga naghatag sang pagkilala sa ciudad sang Bacolod.
Gintalakay man ang pagkakas sang ghost employees sa City Hall kag pag-cut down sang numero sang Job orders nga nagresulta sang dako nga savings sang ciudad.
Isa man sa gintalakay amo ang Clean Governance, BACHP kag mga proyekto sang ciudad.
Nagpasalig man ini sa mga Bacolodnon nga sa pagsaka sini sa kongreso magapadayon ini sa pagbulig agud nga magtin-ad pagid ang ciudad.
Ang mga masunod ang mangin walo ka legislative priorities ni Benitez.
1. Skills training through an expanded Bacolod City College; 2. A data-driven integrated traffic control law; 3. Long-term flood barriers and pump gates; 4. Stronger waste-management LGU systems; 5. Bigger budgets for anti-drug education rehabilitation; 6. Reliable power and water oversight; 7. Nationwide implementation BacCHP; 8. A national mandate for fully digital LGU frontline services para sa kauswagan sang ciudad sang Bacolod.
