Ginklaro sang Department of Education – Negros Island Region nga fake news ang nagalapta nga impormasyon sa social media nga may pamahog sa mga manunudlo sa Brgy Buenavista, ciudad sang Himamaylan.
Suno kay DepEd NIR Regional Information officer in charge Almyr Caezar Dequiña, may yara sang post nga nagalapta sa social media nga ginpahog sang mga armado nga grupo ang mga manunudlo apang indi ini matuod.
Suno diri, ini ang ginverify man sang Schools Division Office sang Himamaylan City nga kalmado ang area.
Wala naman ginkansela ang klase bangod fake news ang impormasyon para lang ma-distract ang mga pumuluyo.
Panugyan ni Dequiña nga maghalong sa mga impormasyon nga nagalapta sa social media kag siguraduhon nga lehitimo ang impormasyon antes ini ipalapta sa iban.
