Nagapadayon ang paghatag sang bulig sang talatapan sang Department of Agriculture – Negros Island Region sa mga sugar farmers nga naapektuhan sang red stripe soft scale insects ukon RSSI paagi sa Sugar Regulatory Administration.
Suno kay Engr. Jose Albert Barrogo, OIC Regional Executive Director sang Department of Agriculture – Negros Island Region, gindeploy na ang salakyan sang SRA nga ginagamit sa pag-spray sang pesticides batok sa RSSI.
Suno kay Barrogo, yara sa karun sa Cadiz City na-deploy ang nasambit nga salakyan kag ginagamit sang affected areas kag nagapila naman ang Sagay City.
Santo sa report naglapad pagid ang kahalitan sang RSSI sa Negros Occidental nga nagdangat sa 1,980.44.
3.5 hectares sa Negros Oriental, 24.75 hectares sa probinsya sang Iloilo, kag 19.1 ka hectares sa probinsya sang Capiz.
Sa Negros Occidental ang pinakalapad nga naapektuhan sang infestation sang RSSI amo ang Cadiz City nga may 261.21 hectares samtang ang may pinakamanubo amo ang Escalante City nga may 8.2 hectares.
Samtang naga-recover na sa karun gikan sa insect infestation ang Bago City, Murcia, EB Magalona, Silay City, Victorias City, Manapla sa Negros Occidental, Mabinay sa Negros Oriental kag Sigma sa probinsya sang Capiz.
Nakadepende man sa mga Local Government Units ang pagdeklarar sang state of calamity.
