Ginpahayag sang kampo sang negosyante kag gaming industry tycoon nga si Charlie ‘Atong’ Ang nga wala sang kredibilidad ang mga rebelasyon sang testigo nga ginkilala bilang si alyas Totoy.
Ini ang ginpanindugan kag ginhighlight sang iya kampo partikular na sang abogado sini nga si Atty. Lorna Capunan natuhoy sa pagkaulamid sang iya kliyente sa kaso.
Hugot man sini nga ginkwestiyon ang kredibilidad ni alyas Totoy ukon ni Julie ‘Dondon’ Patidongan nga magwa.
Madumduman nga si alyas Totoy ang nagwa nga testigo kag ginbuyagyag ang alegasyon nga nagatudlo kay Charlie “Atong” Ang bilang “mastermind” sa likod sang pagkadula sang mga biktima nga sabungero.
Ginpanginwala naman ni Ang ang nasambit nga mga alegasyon kasubong man nga may kaangtanan si Gretchen Barretto sa kaso.
