Anom patay, 24 missing samtang 35 naman ang nakasalbar sa paglugdang sang passenger ship sa Bali Strait sa Indonesia

Anum ka mga persona ang kumpirmado nga nagkalamatay, 24 ang nagapabilin nga missing kag 35 ka iban pa ang nakaluwas matapos naglugdang ang isa ka passenger ship sa Bali Strait sa Indonesia sang Miyerkules sang gab-i.

Naglugdang ang KMP Tunu Pratama Jaya matapos ini magbiya sa Banyuwangi port sang East Java province.

Sakay sa ferry ang 53 ka pasahero kag 12 ka crew members.

Ginsuspendi ang search and rescue operations sang Huwebes sang gab-i kag magaresume subong nga adlaw.

Hilway naman nga nadala sa isa ka ospital sa Jembrana Regency sa Bali ang tanan nga narecover nga mga biktima.