Ceasefire negotiation sa tunga sang Israel kag Hamas, nauntat bangod sa wala nagasanto nga posisyon sang duha ka partido

Nauntat ang mga developments sa ceasefire deal sa Gaza bangud sa wala nagasanto nga posisyon sang mga partido natuhoy sa kalaparon sang pag-isol sang pwersa sang Israel nagikan sa Palestinian enclave.

Santo sa report nagikan sa Palestine kag Israel, nagpadayon ang indi direkta nga negosasyon sa isa ka 60-day ceasefire nga madumduman nga ginrekomendar sang Amerika sang Sabado.

Samtang, nagalaom naman si US President Donald Trump nga mangin madasig ang paglakat sang negosasyon.

Apang suno sa pila ka mga sources, natabo ang isa ka mass shooting kun sa diin narekord sang medics sang Gaza ang 17 ka mga persona nga napatay sang Sabado matapos ang pagpangluthang sang tropa sang Israel samtang nagakuha sang ayuda.