Napasaka na ang kaso nga murder batok sa isa sa suspek sa shooting incident nga nagluntad sa Brgy Lantad and Brgy Rizal, Silay City, Negros Occidental sang Hulyo 10.
Ang kaso ang ginpasaka batok kay alyas RR sa Silay City Prosecutor’s Office samtang ang kaso nga frustrated murder ang masunod ipasaka matapos nga magwa ang Medical Abstract sang iban nga biktima.
Nakahunong sagihapon sa Silay City Police Station si Alyas RR samtang ginahulat ang commitment order.
Madumduman nga hinali lamang gintiro sang motor-riding suspect nga si Mark Pelayo ang tatlo ka persona sa nasambit nga ciudad samtang ang driver naman amo si SK Kagawad RR, 24 anyos sang Brgy Canlusong, EB Magalona, Negros Occidental.
Si Pilayo ang napatay naman matapos magbato sa kapulisan sa ginpatigayon nga drug buybust operation sa Barangay Burgos, Cadiz City.
Nahibaluan nga napatay man ang isa sa mga biktima nga ginkilala kay Fernando Alarcon, 52 anyos, kasado kag residente sang Sitio Beranio, Brgy Lantad.
Si Alarcon ang una nga gindala sa Corazon Locsin Montelibano Memorial Regional Hospital matapos nga naka-angkon sang pilas sa tiyan.
Samtang ang duha nga ginalakipan nanday Christopher Tupas, 47 anyos, kasado, Security Guard kag residente sang Sitio Beranio, Brgy Lantad, Silay City kag Wilmer Montarde 45 anyos, lalaki, kasado maintenance Personnel sang Magikland kag residente sang Bandong Village, Brgy 7, Victorias City ang nagapabilin kag nagapaayo sa ospital.
